बाँके/ खजुरा गाँउपालिका वडा नम्बर ७ सोनपुरमा पालिकाको निर्देशन वडाको सिफारिसमा बिक्रि वितरणका लागि  दिनहु सयौं टिप्पर माटो उत्खनन गरि खेती योग्य जमीन लाई खाल्डो पारिदैछ ।  

खजुरा गाँउपालिका लाई कृषि भन्दा राजस्व सङ्ग सरोकार रहेको खुलेआम कृषि योग्य जमीन को माटो निकाली खजुरा गाउपालिकामा बन्न लागेको पारले जी कम्पनीमा माटो पटान भई रहेको छ । वडा बाट ५० टिप्परको सिफारिस लिने उक्त सिफारिस को भरमा ५०० टिप्पर माटो निकालिदै बिक्रि बितरण भई रहँदा पालिका बाट अनुगमन नहुनु भनेको पालिका र वडाका जनप्रतिनिधिको मिलोमतोमा उत्खन्न भैरहेको स्थानिय हरुको आरोप छ । 

दिनहु माटो बोकि रहेका टिप्पर हरु बिना त्रीपाल माटो बोकि रहेका छन । कागजपत्र पनि नभएका टिप्पर हरु तिब्र गतिमा बाटोमा खुलेआम माटो बोकि धुलो उडाई आम नागरिक को स्वास्थ्य सङ्ग खेलवाड भईरहेको साथै  बाटोमा ठुलो दुर्घटना हुने सम्भावना बढ्दा पनि बाँके ट्राफिक र सडक डिभिजन कार्यालय मौन बसेको उहाँ हरुको पनि मिलोमतो हुन सक्ने स्थानीय बताउछन ।   

यस बिषयमा ईलाका प्रहरी धनौली सङ्ग बुझ्दा हामि आमनागरिकको गुनासो आउने बित्तिकै फिल्डमा गएका थियो त्यहा सोधपुछ गर्दा वडाले सिफारिस दिएको आधारमा माटो निकालिरहेको देखियो यो बिषय पालिका सङ्ग सरोकार राख्ने भएकोले पालिकाको निर्देशन अनुसार हामि पालिकालाई सहयोग गर्न तयार रहेको ईलाका प्रहरी धनौलीका कार्यालय प्रमुख पुर्ण केसी ले बताए ।